Богом данное имя народа "Буряад" будем нести, гордясь...
Цындыма Бабуева - одна из немногих, кто еще пишет стихи на прекрасном бурятском языке. Познакомьтесь с новыми творениями поэтессы из Аги.
Цындыма Бабуева - автор известной среди агинских бурят и любимой ими песни "Агамни –абамни", ставшей фактически неофициальным гимном Агинского Бурятского округа. Закончила БГУ. Преподает и сочиняет стихи на бурятском. Ранее АРД публиковал текст гимна легендарной царице Алан-гуа её сочинения. Сегодня – новые стихи.
Буряад
Уняартан манарагша таламни
Урдын түүхэ hануулна,
Мянган жэлэйнь маные
Мүнѳѳ иран шэртэнэб:
Уужам үргэн талаараа
Уруудан үгсэн нүүгээшэ,
Удамта минии угсаатан
Уhан голоо тахидаг бэлэй,
Хада уула, хайрхадтаа
Хадагаа барин үргэдэг бэлэй ,
Харгын шулуу обоолжо,
Хүдѳѳгэй субарга заhадаг бэлэй.
Обоогой ехэ танда гэжэ,
Олзын ехэ намда гэжэ,
Гурбанхан шулуу үргэжэ,
Гороолжо еhолжо ябадаг бэлэй.
Урсахан гэртээ галаа түлижэ,
Утаагаа тооноор бааюулжа,
Улаахан нараяа угтадаг бэлэй,
Улаан шарахан сайнгаа дээжые
Ургажа байгаа наран тээшэ,
Уряалан байгаа үдэр тээшэ
hайхан сэдьхэлээр үргэдэг hэн,
hаруул харгы нээдэг hэн…
Байгалдаа буусатай Буряадтам
Байдалай, сагай эрхээр
Дайн байлдааншье болоо даа,
Диилдэхэ, булихашье сагууд
Даагаяа hүүлдэжэ найрлахашье,
Доройтон унаха, бодохошье,
Элдэб хэрэгүүд, үйлэнүүд
Энэ хубидамнай дайралдаа…
Эсэгэ Тэнгэриин зарлигтай
Эзэн Чингисэй туг доро
Энэ дэлхэйе доhолуулжа,
Эрхим баатарнууд ябаа юм.
Энэ ехэ хэрэгүүдынь
Үльгэр мүнѳѳ болонхой,
Үдэшын түүдэгэй дэргэдэ
Үбгэд түүрээжэл дууладаг юм.
Буряадайм алтан түүхэдэ
Бальжан хатан, Бабжи баатар,
Эсэгын дайнай баатарнууд,
Энэ сагай геройнууд…
Байдалай ямаршье шуурганда
Бохиножо, унажа ябаагүй,
Амидаралай ехэ далайда
Шэнгэжэ, булагдажа хосороогүй,
Хун шубуута гарбални,
Хүндэтэ минии Буряадни!
Буряад гэдэг нэрэмнай
Булгата халюута дайдаhаамнай,
Буряад гэдэг омогнай
Баргын хүбүүдhээ эхитэй лэ,
Ага найман эсэгэмнай
Аба Хоридойн удамтай лэ!
Үндэр ехэ гарбалнай
Үргэжэ манаа байдаг юм,
Хатан ехэ эжымнай
Харажал манаа байдаг юм.
Буурал угаа хүндэлжэ,
Буряад хэлэеэ мандуулая,
Буряад hайхан нэрэеэ
Бүгэдэ үргэн ябая!
Буряад гэдэг бурхан нэрээрнь
Бултадаа омогорхожо ябая,
Дээрэhээ үгтэhэн энэ нэрээрнь
Дэлхэйдэ гоежо ябая!