Великой праматери Алан-гуа посвящается
Цындыма Бабуева, автор стихов, восхваляющих праматерь великих монгольских ханов, призывает монгольских и бурятских композиторов сочинить к ним музыку.
Агууехэ хатан эжын магтаал
Хойто Хориhоо гарбалтай
Хоридойн ганса басаган
Ариг Усан нютагтаа
Алангуагаар алдаршаа.
Үндэр сэбэр бэетэй,
Үзэсхэлэн hайхан шарайтай,
Урин налгай абаритай
Ухамай бэрхээр үндыгѳѳ.
Арбан долоо наhандаа
Амрагай hэшхэл дэмжэжэ,
Добуу Мэргэн баатарай
Дорюухан нүхэр бололой.
Табан хүдэр хүбүүдтээ
Тайбан hуухын заабари
Туйлай шангаар ойлгуулаад,
Тодо харгы элирүүлээ.
Боржигон ехэ омогhоонь
Бэлигтэй хүбүүд бодолой,
Үндэр ехэ шэрээдэ
Үндын нэгэниинь заларлай.
Зоболоной далайе гаталжа,
Зоригоо хүсэлэн шангадхаад,
Хатуу тангариг үгэжэ,
Хамаг арадаа нэгэдхээд,
Хариин олон гүрэнүүды
Хамтадхажа нэгэдүүлээд,
Хаан үндэр нэрэдэ
Хүртэhэн бэлэй Тэмүүжэн.
Хүхэ мүнхэ Тэнгэриин
Заяа доро тэмсэлэй,
Хатан ехэ эжын
Хайра доро амидарлай.
Мянган жэлэй манан соо
Мохошогүйгѳѳр суурхалай,
Монгол буряад арадайнгаа
Мүнхэ богдонь бололой!
Агуу энэ хэрэгүүдэй
Абяанайнь эхин болоhон,
Агууехэ арадай
Алтан ураг мандуулhан
Агуу хатан эжымнай
Алдар нэрэнь мүнхэрэг!
Эсэгэ тэнгэриин заяатай
Эрын шанга зоригтой
Эбтэй сайхан монголшууд
Эхэ дэлхэйдэ мандаг!
Уухай! Уухай! Уухай!