Великому монгольскому певцу и сыну своего народа Самандын Жавхлану посвящается
Стихотворение поэтессы Цындымы Бабуевой "Монгол" на бурятском языке.
Монгол Улсын габьяата дуушан
Самандын Жавхланда зорюулагдана
Монгол
Энэ хатуу сагта эртын түүхэ баримталаад,
Эсэгын хүбүүнэй еhые эрэ зангаар баряад,
Эхэ хэлэнэй хурсые энэ наhандаа үргѳѳд,
Эгээл үнэнээр амидархын харгы заагша Монгол
Дэгэл малгайгаа үмдээд, дээдлэжэ ябахын ушартай,
Дэлгээhэн тэрлигтэл дүрсэтэй нютагтаа жаргаха хубитай,
Дээдэ тэнгэреэ шүтээд, дэлхэйдэ амидарха заяатай,
Дууша hайхан сэдьхэлээр түмэнѳѳ нэгэдүүлдэг Монгол
Боро хара бодолтонтой бодожо тэмсэhэн нүхэр,
Борохон зүрхѳѳ гамнангүй бусадаа хайрладаг Монгол,
Бусалжа байгаа шуhандаа буряадтаяа нэгэн нүхэр,
Бурьялжа байгаа сэдьхэлдээ бүгэдые багтааhан Монгол!
Эрын хатуу тангариг эрэлхэг зүрхэндѳѳ шэнгээhэн,
Эсэгын шанга hургаалые эрхы хургандаа эмэриhэн,
Эмнигэй шадал туршажа, элеэдэл холые зориhон,
Ташуурай бүхые адхаад, табилуулжа урагшаа дабхиhан
Тайбан талын баатараа хүндэлжэ мүнѳѳ магтая!