“Байкал” төв болон Булган аймгийн аялал жуулчлалын холбоо хамтран ажиллах хэлэлцээр байгуулав
Энэ сарын 15-нд Буриадын аялал жуулчлал эрхлэгчид Монгол Улсын Булган аймгийн салбар нэгтнүүдтэйгээ уулзалт хийжээ.
Буриадын аялал жуулчлал эрхлэгчдийн идэвхтэй оролцоотойгоор
Хоёр талын аялал жуулчлалыг хөгжүүлэх
- “Алтаргана” наадмын үеэр Монгол улсад ая тухтай, тавлаг аяллууд зохион байгуулах нөхцөлийг бүрдүүлэх
- Наадмыг сурталчлах төлөвлөгөө
- Зохион байгуулалтын бусад асуудлыг хэлэлцжээ.
Урьд өмнөх “Алтаргана” наадмуудын үеэр урлаг, спортын арга хэмжээнд гол анхаарал хандуулж ирсэн. Харин энэ жил Буриадаас холгүй, засмал зам сайтай Булган аймагт наадам зохиогдохтой холбоотойгоор аялал жуулчлал нэлээд өргөн явагдана” - гэж Буриад Улсын аялал жуулчлалын Сайд Алдар Доржиев ярив.
Уулзалтын дүнд Булган аймгийн Аялал жуулчлалын Холбоо болон “Байкал” аялал жуулчлалын мэдээллийн төв хооронд “Алтаргана-2024” буриад түмний Олон улсын 15 дугаар наадмын хөгжүүлэлттэй холбоотой хамтын ажиллагааны хэлэлцээрт гарын үсэг зурсан юм.
Талууд мөн “Алтаргана” наадмын хүрээнд аяллын хөтөлбөрүүд зохион байгуулах нөхцөл боломжийн үнэлэхээр Булган аймаг руу аялал жуулчлал эрхлэгчдийн ажлын хэсэг томилж илгээхээр шийдвэрлэв.
Энд сануулахад, тус наадам ирэх 7 дугаар сарын 26-наас 28-ны өдрүүдэд Монгол Улсын Булган аймагт болох бөгөөд тус улсын хойд бүсийн энэ аймагт наадмыг анх удаа зохион байгуулах гэж байгаа нь энэ юм.
