Монгол Улсын Их Хурлын сонгуулийн хугацаанаас өмнөх санал хураалт хилийн чанадад эхэлжээ
Монгол улсын Сонгуулийн Ерөнхий хорооны мэдээгээр, хилийн чанадад байгаа 13095 монгол иргэн 2024 оны УИХ-ын сонгуулийн хугацаанаас өмнөх санал хураалтад оролцохоор бүртгүүлжээ.
Хилийн чанадад оршин суугаа монгол иргэдэд зориулсан 2024 оны УИХ-ын сонгуулийн хугацаанаас өмнөх санал хураалт эхэлжээ. Монгол улсын Сонгуулийн Ерөнхий хорооноос иш татан орон нутгийн хэвлэлүүд мэдээллээ.
"Энэ санал хураалтыг зохион байгуулах ажилд гадаадын 33 улс дахь Монгол улсын дипломат төлөөлөгчийн газруудын дэргэд 47 салбар комисс байгуулагджээ. Сонгуулийн хэсгүүд орон нутгийн цагаараа 07.00 цагаас 22.00 цаг хүртэл нээлттэй байна”, - гэж албан мэдээлэлд дурьдсан байна.
Монгол улсын Сонгуулийн ерөнхий хорооноос мэдээлснээр, хилийн чанадад оршин суугаа 13095 монгол иргэд 2024 оны УИХ-ын сонгуулийн хугацаанаас өмнөх санал хураалтад оролцохоор бүртгүүлжээ. Тус санал хураалт 2024 оны зургадугаар сарын 23-нд дуусна. Харин УИХ-ын сонгууль энэ сарын 28-нд болох юм.
Шинэ хуулийн дагуу, монголчууд улсынхаа хууль тогтоох дээд байгууллагын 126 депутатыг сонгох ёстой. 78 депутатыг сонгуулийн мажоритар системээр сонгох бол, үлдсэн 48 нь пропорциональ системээр сонгогдох юм. Монголын УИХ-ын сонгууль сонгогчдын 50 хувийн ирц бүрдсэн нөхцөлд зөвхөн хүчинтэйд тооцогддог. Монгол улсын 18 нас хүрсэн иргэд сонгуульд санал өгч, 25-аас дээш насныхан нэр дэвшин өрсөлдөх эрхтэй байдаг юм.
Монгол улсад үүний өмнө 2020 оны зургадугаар сарын 24-нд УИХ-ын сонгууль болж байжээ.
