Буряад театр Монголын таван хотод «Халхын гол.Тангараг» жүжгийг үзүүлнэ
Халхын голын ялалтын 85 жилийн ойг тэмдэглэн өнгөрүүлэх хүрээнд Монгол улсад хэд хэдэн хамтарсан арга хэмжээ төлөвлөгджээ.
Есдүгээр сарын 3-нд Монгол улсад ОХУ-ын ерөнхийлөгч В.В.Путин Монгол улсын ерөнхийлөгч У.Хүрэлсүхийн урилгаар хүрэлцэн очиж, тухайн арга хэмжээнүүдэд оролцоно.
Буряад театр есдүгээр сарын 14-нөөс эхлэн Монгол улсад Геннадий Башкуевын зохиол, найруулагч Олег Юмовын бүтээл «Халхын Гол. Тангараг» жүжгээр аялан тоглолт эхлүүлнэ.
Жүжгийг Халхын гол дахь зөвлөлт-монголын хамтарсан ялалтын 85 жилийн ойд зориулсан юм.
Гол баатрын эх дүр нь Халхын голын байлдааны ахмад дайчин хатагтай Цэрэнгийн Чимэдцэрэн гэх Дорнод аймгийн буриад үндэстэн эмэгтэй юм. Жүжгийн нээлтийн тоглолт Монголын таван хотод болно.
Жүжгийн үйл явдал Халхын голын дайны үед Чимэдцэрэн бүсгүй фронтод сайн дураар явахаар найзуудаа уриалж байгаагаар өрнөнө. Эх орныхоо төлөө зориг шийдмэг тэд цэргийн эмнэлгийн хүнд бэрх бодит байдалтай тулгарна.
Санитарчид шархадсан цэргүүдийг арчилж, амь насыг нь аварч хамгаалах хариуцлага хүлээдэг. Тэдний эрэлхэг зориг, өр зөөлөн сэтгэл дайны цагийн хатуу шаардлагуудтай тулгарах боловч тэд өөрсдийн үйл хэрэгт үнэнчээр зүтгэдэг.
Жүжигт мөн гэгээлэг нандин анхны хайрыг түүхийг өгүүлэх бөгөөд хамгийн хэцүү бэрх нөхцөлд ч гэсэн нинжин сэтгэл, итгэл найдварын гал байсаар байдаг билээ.
Энэхүү жүжгээр эх оронч үзэл, амь бие үл хайрлан зүтгэх сэтгэл, ард түмнүүдийн найрамдал, хүний амь хэчнээн үнэ цэнтэй вэ гэдэг чухал асуудлуудыг хөндөхөөс гадна гэрэлт ирээдүйд итгэх итгэл найдварыг тээдэг.
Есдүгээр сарын 14-нд, 17:00 цагаас – Дархан хотод;
есдүгээр сарын 15-нд, 19:00 цагаас – Зуун Мод хотод;
Есдүгээр сарын 16-нд, 19:00 цагаас – Улаанбаатар хотод;
Есдүгээр сарын 19-нд, 19:00 цагаас – Чингис хотод;
Есдүгээр сарын 21-нд, 17:00 цагаас – г. Чойбалсан.
Энэхүү төслийг Холбооны хөтөлбөрүүдтэй, тэр дундаа Оросын ерөнхийлөгч Владимир Путины санаачилсан “Культура” үндэсний төсөлд холбогдох уран бүтээлийн бусад төслүүдийг амжилттай хэрэгжүүлж буй Буриадын засгийн газар, соёлын яамны дэмжлэгтэй хэрэгжүүлж байна.
«Халхын Гол. Тангараг» жүжгийн тасалбарыг дараах холбоосоор орж худалдан авч болно.
https://www.ticket.mn/event/2247/
12+
