Орос улс БНАСАУ-д 20 гаруй Орлов адуу илгээв

ОХУ-ын хэрэглэгчдийн эрх ашгийг хамгаалах Холбооны хяналтын газар-Роспотребнадзорын Приморын бүс нутаг дундын удирдах газар “Орловын хатирч” хэмээх спорт үүлдрийн 24 адууг төмөр замын «Хасан» боомтоор БНАСАУ-д гаргах ажлыг хянаж гүйцэтгэжээ.

Адууг (15 гүү, 5 унага) Владимир муж дахь дамжин өнгөрүүлэх цэгээр гаргаж, дараа нь тусгайлан тоноглосон автомашинаар төмөр замын «Хасан» боомт руу хүргэснээр БНАСАУ-д гаргахад бэлэн болгожээ.

Россельхознадзор буюу ОХУ-ын Мал эмнэлэг, ургамлын эрүүл ахуйн хяналтын газрын ажилтнууд амьтдад үзлэг хийж, хил нэвтрүүлэх баримт бичгийн бүрдлийг шалгаж нягталсан байна. 

Бүх адуунд чип суулгаж, тэдгээр чипийн тохирлыг шалгагч төхөөрөмжөөр баталгаажуулжээ. Ийм бичил чип нь адуунуудыг солигдох боломжийг хааж, цэвэр үүлдрийнх болохыг баталгаажуулдаг байна.

Энд сануулахад, үүнээс өмнө 2022 оны намар «Хасан» төмөр замын боомтоор мөн хэсэг адуу гаргаж байсан байна. Тухайн үед “Орловын хатирч” үүлдрийн 30 адууг Умард Солонгост гаргасан байна.

«Орловын хатирч адуу» үүлдэр нь Орост анхны үйлдвэрлэлийн нөхцөлд гаргаж авсан адууны үүлдэр угсаа юм. Хөнгөн хөллөгөөний энэ үүлдэр нь төрөлхийн хатирч явдалтай ажээ.